第一感覺，裝修好靚好in，保養亦非常好，十分新淨，相片與真實情況有9成9一樣，房間十分十分乾淨，亦有很多設施，例如鞦韆，滑梯，搖木馬，吊椅等等。跟住，感受到職員同老闆嘅親切同窩心嘅招待。一入到民宿做緊登記時就送上一杯柑橘茶，再帶我們進房，介紹房間設施同要注意嘅地方，例如飲用水設施，因為佢地冇提供水煲的。另外，每天早上都會奉上烏龍茶到房間，又有提供魚糧餵魚，小朋友很喜歡的，夜晚又有仙女棒俾小朋友玩，很窩心，職員亦會熱心提供旅遊資料。早餐方面是固定的，不是自助形式，但我可以講，一定夠飽，而且質素同味道都不錯，菜式亦健康的，沒有火腿煙肉煎蛋，但一定有數款水果同沙律，加上特色嘅主菜同飲品，很滿足的。可能房價是相對較貴一點點，但在香港要住這質素嘅屋必須要是數千萬或過億嘅豪宅先可以，所以我覺得係值得的。